এই পৃষ্ঠাটোৰ বৈধকৰণ হৈছে
কলিয়াবৰ,—ৰণকোঁঠ।
⸻•⸻
(বৰগোহাঞি ডাঙ্গৰীয়া, সলালগোহাঞি, জাগিয়াল গোহাঞি, মহিয়াল
বৰুৱা, বৰা, শইকীয়া, হাজৰিকা ইত্যাদি)।
স: গো:।— ভীষণ বাতৰি অহ!
পৰিছে কাণত আহি, নগৰৰপৰা।
শুনি হিয়া বিদৰিছে হাঁয়!—কবলই
সত যোৱা নাই।
জা: গো:।— কিনো সি বাতৰি?
কিয় বা বিদৰে হিয়া?
ব: বৰুৱা।— দিয়াচোঁ আভাস,
নিদিয়াঁ যদিহে বাৰু আঁতিগুৰি মাৰি
পূৰ্ণ বিৱৰণ তাৰ।
হাজৰিকা।— সঁচা, উগুল-থুগুল
লাগিছে মনত, কিনো কথা কিনো বাৰ্ত্তা
শুনিবৰ হেতু।
শইকীয়া।— লাগিছে আমাৰো তেনে।
বৰা।— লাগিছে আমাৰো।
বৰ গো: ডা:।—ডালতকৈ চৰে দেখোঁ পাত!
কবলই ধৰোঁতেই অত অনা-গুণা;
কলে জানো বাঢ়ি যায় আৰু কুঁহিপাত?
১৩