এই পৃষ্ঠাটোৰ বৈধকৰণ হৈছে
২৯১
গদাধৰ।
ৰজা।—মোৰো একে দশা।
থোৱাঁ তেন্তে আজিলই ৰাজকীয় কথা।
শান্তি নাই কিন্তু হাঁয়, বাহিৰে ভিতৰে,
নাই শান্তি লেশ!—কিবা চিন্তা, কিবা ভাব,
জিলিমিলি কিবা, দেখিছোঁ সভয়ে সদা!
প্ৰতিক্ষণে ধৰে যেন, কালান্তক যমে
নৰক উদ্দেশে মোক!— এৰোঁ আজিলই।
যোৱাঁ সৱে ঘৰাঘৰি।
(প্ৰস্থান)
⸻
তৃতীয় গৰ্ভাঙ্ক।
ৰাজমাওৰ টোল।
ৰাজমাও।—সঁচা নে কি ডাঙৰীয়া!
আহিছে উজাই বোলে বৰফুকনেৰে,
ৰণসাজে গদাপাণি? বিষম আক্ৰোশ
জানা, ইবাৰ গদা,—বধি লৰা-ৰজা,
লব কাঢ়ি সিংহাসন নিজ বাহুবলে।
