পৃষ্ঠা:গদাধৰ.pdf/৯৩

এই পৃষ্ঠাটোৰ বৈধকৰণ হৈছে
২৮৭
গদাধৰ।


সমুখীন সংগ্ৰামত উঠন পতন,
উভয়তে সমভাগ্য;—ভাগ্যধৰ আমি
আজি সকলেটি,—জিনিম জগত আহাঁ,
আহাঁ আগ বাঢ়ি।
সৈন্যদল।—জয় গদাপাণি জয়।  ( উত্তেজিত হৈ প্ৰস্থান)

⸻⸻

দ্বিতীয় গৰ্ভাঙ্ক।

ৰজাৰ চৰা।

বুঃ গোঃ।— আন ধৰি আছে কোন্‌
বিচাৰত আজি। ৰাজদ্ৰোহী অপৰাধী
হব লাগে থিয়।
কটো।— ভাল, দেউতা-ঈশ্বৰ।   (প্ৰস্থান)
ৰজা।— নাবাছিবাঁ কাকো।
সৰু-বৰ, জ্ঞানী-মূৰ্খ, মুনিহ-তিৰোতা,
বাৰে দেখাঁ শত্ৰুভাব সিংহাসনলই,
তুৰন্তে বধিবাঁ তাক, নতু শাস্তি দিবাঁ।
—নুভুলিবাঁ কাকুতিত।
বুঃ গোঃ।— নুভুলোঁ কাচিত।
নালাগে বুজাব মোক। দেখি আছাঁ নিতে
এৰিছোঁ নে কোনো জন, কিবা কাৰণত।