এই পৃষ্ঠাটোৰ বৈধকৰণ হৈছে
তৃতীয় গৰ্ভাঙ্ক।
ফুকননীৰ বুলনী।
লুকী।— (প্ৰৱেশ) অ, আইচু দৌতা! মই লুকী আহিচুং। লাগ
পাম না?
ভিতৰৰপৰা।—ওঁ, লাগাল পাবি দে। আইচু-দেউতা অলাই যাবা লাগছি।
অ, তুহনাক কাঠীতি বহিবা দিছি।
লুকী। অ-অ, বহিচুং দে। (বহে)
(ফুকননীৰ প্ৰৱেশ)
ফুকননী।—অ, লুকী আহিছ?
লুকী।- ওঁ, আহিচুং দিয়া। তুহনা আহিবা দিছি, আহিচুং।
ফুকননী।—ভাল কৰিলি। ক’তা, তই সিদিনা আনিম বোলা মানুহটো?
নাহিল দেখোন?
লুকী।— অ, আহিবা লাগি হেঁহ লাজ কৰ্ ছি। দেখা পালি দৌতা
বয়া বল্বা বুলি।
ফুকননী।-নেদেখাকৈ আনিব নোৱাৰিলি?
লুকী।—উঃ, নেদেখা কৰি কেন্কে আন্বা? অ, হেঁইটো বৰ ডাঙ্গাৰ
মুনিহ। লুকাবা নৰি।
ফুকননী।—হেৰ বেটী, তোতকৈ ডাঙ্গৰ বুলি ময়ো জানিছোঁ। তোৰ
গাৰ আৰত লুকাই আনিবলৈ কোৱা নাই।
