এই পৃষ্ঠাটোৰ বৈধকৰণ হৈছে
২৬৫
গদাধৰ।
গদা-কলৈ নো যাম। ইয়াতে ইফাল-সিফালকৈ থাকিম। বাৰু,যা!
(লুকীৰ প্ৰস্থান)
গদা।—চেনেহৰ বাইদেও
আছে ওচৰতে। দেখোঁ যদি কিবা হয়।
দেখা পালে জানো, কৰিব ভ্ৰাতৃক দয়া
সঙ্কটৰ বেলা, পাৰোঁ যদি দেখা দিব
অতি গুপ্তভাৱে, ভিনীহিৰ অজ্ঞাতত।
নতুবা সিজনে নেৰিব নিৰ্ব্বিঘ্নে মোক
পাহৰি কৰ্ত্তব্য। সাধাৰণ লোক তেওঁ
নোহে জানোঁ মই;— ৰাজকাৰ্য্য সাধনত
সদা প্ৰাণপণ।
( প্ৰস্থান)
⸻⸻
দ্বিতীয় গৰ্ভাঙ্ক।
বৰফুকনৰ চৰা।
বঃ ফুঃ।— (অহ,) কতজনা স্বৰ্গদেৱ
গল পাৰ হই; এনে অত্যাচাৰ কথা
শুনা নাই আগে'। অলপতে কেইজনা
যোগ্য় স্বৰ্গদেৱ অবাবত কটা গল;
তথাপি নাছিল এনে প্ৰজা-হাহাকাৰ,
প্ৰজা পীড়নত কেঁৱে দিয়া নাই মন।
