সপ্তম গৰ্ভাঙ্ক।
ৰাজ-আলি।
১ম, হাটৰুৱা।-মাৰেও মাৰক, তাৰ পৰিণামে, ওঁ, কাটেও কাটক। সেই
বুলি ওৱাজিপ কথা, তাৰ পৰিণামে, নকৈ পাৰোঁ নে?
২য়, হাটুৰুৱা।— এৰা বেচ কৈছ। মাৰিব-কাটিবলৈ নো আৰু কি বাকী
থৈছে। একেঘাপে কাটি, মাৰি পেলালেও ভাল আকৌ!
১ম, হাঃ-সঁচা মোৰ ককাইটি! কটাতকৈ, তাৰ পৰিণামে, বেপাটো
হে টান। তাৰ পৰিণামে, নহয় জানো?
২য়, হাঃ-নকবি আৰু মোৰ কুটুম! আজিকালি আৰু ৰজা-মন্ত্ৰীৰ মনৰ
বান্ধ নাইকিয়া হল।
১ম, হাঃ —এই দৰে হলে, তাৰ পৰিণামে, দেশ উছন যাব লগা হল! উঃ
তাৰ পৰিণামে, এনে অইনাই!
২য়, হাঃ-নেদেখিছ, সিদিনাখনৰ কথা; কিমান অইনাই কামটো
কৰিলে। এনাজগৰত সেই দেবীযেন কুঁৱৰী আইদেউ গৰাকীক
লেলাত ভুঞ্জাই মাৰিলে বুপাই!
১ম, হাঃ– তাৰ পিচত নো, তাৰ পৰিণামে, ৰজাই কি সৰু পাপবোৰ
কৰিছে? গদা কোৱঁৰক, তাৰ পৰিণামে, বিচাৰি নেপাই,
তাৰ পৰিণামে, নিচলা প্ৰজাৰ ওপৰত খং সাৰিছে? উঃ,
বাচ্ বিচাৰ নাই, তাৰ পৰিণামে, ধৰ আৰু মাৰ! এনে অইনাই
কথা, তাৰ পৰিণামে, দেখা নাই বুপাঔ!
২য়, হাঃ-এৰা, নকবি আৰু বুপাই, ৰজাই মুঠে শাস্তিকেহে জানিছে।
