এই পৃষ্ঠাটোৰ বৈধকৰণ হৈছে
২০৮
গদাধৰ
ৰজা।— লাগিছে মনত;
সাৰুৱা বুজনি তৱ পালিম যতনে।
বিজ্ঞ মন্ত্ৰী প্ৰতি যেন নকৰোঁ অৱজ্ঞা,
আছোঁমানে ৰজা-নামে।
বঃ গোঃ।— আৰু ভাবি চাবাঁ,
সাত্বিক ভাবত নাই ৰাজত্ব পদ্ধতি,
তমোভাব লাগে যোগ সৰ্ব্বত্ৰে সমানে;
তেবেসে ৰজাৰ যোগ্য;—নতুবা তপসী।
ধৰিবাঁ উভয় বিধি।
ৰজা।— আনিছোঁ প্ৰত্যেক।
বুঃ গোঃ।— ধৰাঁ যুক্তি সাৰ;
নুভুলিবাঁ আৰু মোৰ পাপ-মন্ত্ৰণাত।
যুগুত সময় এবে যুক্তি কৰিবৰ,
পাত্ৰ-মন্ত্ৰী সভাসদে মিলি ঘৰে পৰে।
নাই কিন্তু শক্তি মোৰ স্থিৰে থাকিবৰ।
মাগিছোঁ বিদায় সৱে।
প্ৰস্থান
ৰজা।— যোৱাঁ সৱে আজিলই,
যোৱাঁ ঘৰঘৰি। যাওঁ ময়ো পৰোঁগই,
অশান্তি-শয্যাত।
প্ৰস্থান
