এই পৃষ্ঠাটোৰ বৈধকৰণ হৈছে
৩০৯
গদাধৰ।
বঃ গোঃ।— সাৰুৱা প্ৰস্তাব।
কিন্তু এটি কথা,-“হব লাগে আগে স্থিৰ
ৰজাৰ নতুন নাম।
বৰপাত্ৰ —‘গদা’ নাম প্ৰিয়তম
আছিল জয়াৰ।
বঃ গোঃ।—ৰব লাগে এতেকতে,
সতীৰ সাদৰী নাম গদা কোৱঁৰৰ,
ৰাজকীয় বেশে।
বঃ ফুঃ।— মিলিছে আমাৰো মত।
মহাসতী জয়মতী, সাক্ষাৎ লক্ষিমী
আছিল যি নামে তুষ্ট, ৰব লাগে তাৰ
অভগন চিন্।
বৰপাত্ৰ।— ‘গদাধৰ’
হোক নাম গদা কোৱঁবৰ
বঃ ফুঃ।— বিতোপন নাম।
বঃ গোঃ।–বিতোপন সঁচাকই।
এয়ে স্থিৰ হল আজি। কালি হন্তে বাজ
হব লাগে নৱ নাম নতুন ৰজাৰ।
(গদাপাণিৰ ব্যগ্ৰভাৱে প্ৰৱেশ, আৰু সকলোৱে থিয় দিয়ে)
গদা।—লৰা-ৰজা বধ হেতু
কি হল ব্যৱস্থা? পোৱা হলে পোন্চাতে,
স্বহস্তে নিপাতি পুৰালোঁহেঁতেন মই,
প্ৰাণৰ হেঁপাহ।
বঃ ফুঃ।— ক্ষমা কৰাঁ বীৰবৰ!
