এই পৃষ্ঠাটোৰ বৈধকৰণ হৈছে
৫। অঙ্ক।
প্ৰথম গৰ্ভাঙ্ক।
ৰজাৰ চৰা।
বৰগোহাঞি।—দুৰ হল দুৰগতি
অত দিনে আজি; নিমাখিত প্ৰজাবৰ্গে
পালে পৰিত্ৰাণ! সাগৰত বুৰ দিয়া
ৰাজলক্ষ্মী ঘূৰি দেখা দিছে শিৰ তুলি।
ৰাজশ্ৰী বাঢ়িব পুনৰ। শলাগিছোঁ
মন্ত্ৰী-ফুকনক; ৰাইজৰ আশীৰ্ব্বাদ
পাব লাগে তেওঁ।
বৰফুকনঃ—প্ৰশংসাৰ পাত্ৰ মই
নহওঁ প্ৰকৃতে। কাৰ্য্য মোত্ ৰব পাৰে,
অন্যত্ৰে কাৰণ; বুজিবাঁ ধুৰুপ সৱে।
আপুনি উপায় কৰি গদাপাণি বীৰে
সহায় নোহাৱা হলে, সাধ্য কি নিবাৰোঁ
আমি মহা হুলস্থূল, নগৰত আহি?
যশভাগী আৰু প্ৰশংসাৰ যোগ্যপাত্ৰ
বীৰ গদাপাণি।
