পৃষ্ঠা:কিষ্কিন্ধ্যাকাণ্ড.djvu/৪৭

এই পৃষ্ঠাটোৰ বৈধকৰণ কৰা হৈছে
৪৫
অসমীয়া ৰামায়ণ।


মাধব কন্দলী ভনে, শুনিয়োক সৰ্ব্ব জনে,
 ৰামৰ চৰিত্ৰ কথা সাৰ।
শুনম্তে অমৃত সম,  পাপৰ সাক্ষাত যম,
 জানি ৰাম বোলা বাৰে বাৰ॥

পদ।

বালীবোলে শুন ওৰে পটেশ্বৰী তাৰা।
ৰূপে গুণে, বিতোপনি সংসাৰতে সাৰা॥
জানিলোহো ৰাম দশৰথৰ তনয়।
তাঙ্ক লাগি মোৰ কিছু ভয় নাহিকয়॥
সাগৰ সুখান্ত ৰামে একপাট সৰে।
দেৱক খেদন্ত পশি স্বৰ্গৰ ভিতৰে॥
উপাৰিতে পাৰোঁ সাত দ্বীপ পৃথিবীক।
কহে ৰামে কি কৰিবে দুৰ্জ্জয় বালীক॥
স্ত্ৰী বৈৰী পিতৃ বৈৰী সামাবৈ বিনুহো।
ৰাজ্যৰ নিমিত্তে আমি দুই ভাই যুযুহো॥
কোন অপৰাধে ৰামে বধিব আমাক।
বাহুৰিয়া পটেশ্বৰী ঘৰে বসি থাক॥