আজি মহাপুৰুষ শ্ৰীশ্ৰীশঙ্কৰ দেৱৰ বৈকুণ্ঠ প্ৰয়াণ উপলক্ষে ভাদৰ শুক্ল দ্বিতীয়াত মহা মহোৎসৱ হৰি কীৰ্ত্তন। এই তিথি থান, থুল সত্ৰ সমূহত ধৰ্ম্মধাৰী বাপ, বান্ধৱ হৰিভক্ত সকলে যি দৰে সেৱা জনাইছে তাত কোনো ছিদ্ৰ নাই। আমি অভাজনীয় সকলে পূৰ্ববৰ নিৰ্ব্বন্ধত মহা গুৰুৰ তিথি মহোৎসৱ ৰূপে সেৱা জনাবৰ অক্ষম। দৈবকী নন্দন শ্ৰীকৃষ্ণ আহি শঙ্কৰ অৱতাৰ হৈছে। সেই সকলৰ জন্ম মৃত্যু একো নাই! বোলে—
কে জানিতে পাৰয় তোমাৰ ঠাকুৰাল॥
নাহি জন্ম তথাপি তোমাৰ জন্ম ধৰা।
সেহি জন্মে জীৱৰ জনম দূৰ কৰা॥
সহজে অকৰ্ত্তা তুমি কৰা অপৰ্যন্ত।
সেহি জন্মে জীৱৰ জনম কৰা অন্ত॥
তুমি প্ৰভু নিগুণ গুণৰ সীমা নাই।
তোমাৰ গুণ কীৰ্ত্তন কৰি সংসাৰ তৰিবৰ বাট উলিয়াবৰ অৰ্থে গুৰু ৰূপে অৱতাৰ ধৰি হৰি ভক্তৰ প্ৰতি নিৰ্গুণ সেৱা ৰাখি বৈকুণ্ঠগামী হৈছে। সেই সেৱা উপলক্ষে এটি গুৱা, এখিলি পান, টোপোলা অৰিহনা মাহ প্ৰসাদ সহিতে সমস্তটিয়ে গলে বস্ত্ৰ বান্ধি সেৱা
