পৃষ্ঠা:আশীৰ্ব্বাদ.pdf/২১

এই পৃষ্ঠাটোৰ বৈধকৰণ হৈছে
১৯
আশীৰ্ব্বাদ
তোমাৰ চৰণ সেৱাৰ গোবিন্দ

নাজানো একো উপায়।
যি মতে সেৱাত ৰহিবো কৰুণা

কৰিতে হৰি যুৱাই॥

       তোৰা সব ভকত, বৈষ্ণৱ, সাধু মহন্তক এক কৰি ঈশ্বৰৰ চৰণত বৈকুণ্ঠৰ বস্তু মাহ-প্ৰসাদ, গুৱা-পান, শৰাই, বন্তি উপহাৰ দ্ৰব্য সহ যধা— শক্তিমত দণ্ড, অৰ্চ্চনা, অৰিহনা সমম্বিতে শোধাই শৰণে পশিছে। ইয়াতে ঘাটি অপৰাধ খিনি ভঞ্জন কৰি অৰ্চনীয় দ্ৰব্যকে বৈকুণ্ঠ ভাণ্ডাৰৰ বস্তু বুলি মােৰ বুলি গ্ৰহণ কৰিব লাগে। বোলে—
মোৰ নাম লৈয়া মোৰ চৰণক পাৱে।
পৰম ঐশ্বৰ্য্য দিওঁ যাক যিবা লাগে॥

       সেৱকীৰ প্ৰতি প্ৰসন্ন হৈ ৰাম নাম বস্তু স্থিতি দি অশুচি দ্ৰব্যকে নামতে পবিত্ৰ কৰি লৈ মোৰ বুলি কৃপা কৰিব লাগে ॥০॥

৬।
যিটো চণ্ডালেও        কায় বাক্য মনে

সদায়ে সুমৰে হৰি।
আছে বাহু ব্ৰত        সিটো ব্ৰাহ্মণৰ
সিসে শ্ৰেষ্ঠ আতি কৰি।
যিটো মহা গৰ্ব্ববী        বিপ্ৰে আপোনাক

পবিত্ৰ কৰিবে নাৰে।