সিটো নৃপতিৰ হৈব বেদ ধৰ্ম্মে ৰতি।
বিপ্ৰ বাক্য ন কৰিব বুজিয়া প্ৰবৃত্তি॥
পাঞ্চাধিক ষাঠি বছৰ পালিবেক মহী।
এড়িব বিপ্ৰৰ বাক্য কলিক নিগ্ৰহি॥
কৰিবেক যজ্ঞকাৰ্য্য বেদৰ নিশ্চিত।
মহাদানে ধৰ্ম্মে প্ৰজা কৰিব নেৰিত॥
তাত পাছে মৰি সিটো পাইব বিষ্ণুস্থান।
তাহান তনয় ৰাজা হৈবেক প্ৰধান॥
কুশাবন্য নামে তান হৈবেক প্ৰক্ষাত।
কুশ মূল সব জাত হৈবেক তাহাত॥
অসংখ্যাত সূৰ্য্য বিপ্ৰ নাম কৰি নিব।
পিম্পলায়ন তীৰ্থে যাই সূৰ্য্যক পূজিঁব॥
বিংশতি দিবসে দেখা দিব দিবাকৰ।
তাহাৰ কাষত আছে শ্ৰীচন্দ্ৰধৰ॥
জাম্বুদ্বীপ মধ্যে যত আছে মহীপাল।
সবাকে দিয়োক মোক কৰিবাক পাল॥
এহি বড় দিয়ো মোক দেৱ দিবাকৰ।
মনবাঞ্চা পুৰাওক তযু সেবকৰ॥
দিলন্ত আদিত্য বৰ হৈব বাঞ্চাপুৰ।
অবিশ্ৰাম কৰা পুঁজা পাৰ্ব্বতী শঙ্কৰ॥
এতেকে সে হৈব সিটো লোক অধিকাৰ।
সকল লোকৰ সিটো লৈব কৰভাৰ॥
গৌৰে কাম ৰূপে আৰো জয়ন্তি মাগধ।
হৈব একে চত্ৰে ৰাজা কৰিব দগধ॥
তাহাৰ নগৰ হৈব নামে ৰত্নপুৰ।
শ্ৰৱণ কীৰ্ত্তন ভক্তি কৰিব প্ৰচূৰ॥
পৃষ্ঠা:ৰূদ্ৰ যামল.djvu/৫৮
এই পৃষ্ঠাটোৰ বৈধকৰণ হৈছে
৫২
ৰুদ্ৰ যামল ৷
![](http://upload.wikimedia.org/wikipedia/commons/thumb/d/da/%E0%A7%B0%E0%A7%82%E0%A6%A6%E0%A7%8D%E0%A7%B0_%E0%A6%AF%E0%A6%BE%E0%A6%AE%E0%A6%B2.djvu/page58-949px-%E0%A7%B0%E0%A7%82%E0%A6%A6%E0%A7%8D%E0%A7%B0_%E0%A6%AF%E0%A6%BE%E0%A6%AE%E0%A6%B2.djvu.jpg)