এই পৃষ্ঠাটোৰ বৈধকৰণ হৈছে
দ্বিতীয় পাঠ
১। শব্দ
মধু, হৰি, ফুল, ফুলনি, ল, দ, ই এইবোৰ শব্দ। ইহঁতৰ প্ৰত্যেকৰে অৰ্থ আছে। এই শব্দবোৰ কেনেকৈ গঠন হ’ল পৰীক্ষা কৰি চাওঁ।
প্ৰথমে মধু শব্দটো পৰীক্ষা কৰোঁ। মধু শব্দটোত ম বোলোতে শেষত অ আৰু ধু বোলোতে শেষত উ উচ্চাৰণ হৈছে। অৰ্থাৎ ম্+ অ +ধ্ +উ = মধু। দেখা গল যে মধু শব্দটোত চাৰিটা বৰ্ণ লগ লাগি আছে।
তেনেকৈ হৰি শব্দটোত হ + অ + ৰ্ + ই এই চাৰিটা বৰ্ণ লগ লাগি আছে।
ফুল শব্দটোত ফ্ + উ + ল্ এই তিনিটা বৰ্ণ লগ লাগি আছে।
ফুলনি শব্দটোত ফ্ + উ + ল্ + অ + ন্ + ই এই ছয়টা বৰ্ণ লগ লাগি আছে।
ল শব্দটোত ল্ + অ এই দুটা বৰ্ণ লগ লাগি আছে।
দ শব্দটোত দ্ + অ এই দুটা বৰ্ণ লগ লাগি আছে।
ই শব্দটোত কেৱল ই বৰ্ণটোহে আছে।
এতিয়া মনত ৰাখিবা—এটা বা তাতকৈ বেছি বৰ্ণ লগ লাগি একোটা অৰ্থ প্ৰকাশ কৰিলে তাক শব্দ বোলে।
⸻⸻