এই পৃষ্ঠাটোৰ বৈধকৰণ হৈছে
২৬১
গদাধৰ।
নোৱাৰে সাৰিব যাতে, কোনোপাৰে গদা,
গুৱাহাটী এৰি।
ৰজা।— কৰাঁ যিবা দেখা ভাল।
পাব লাগে বাৰ্ত্তা গই ফুকনৰ কাষ,
নহওঁতে গদাপাণি গুৱাহাটী পাৰ।
নতুবা, বিফল সকলো প্ৰয়াস তৱ,
বাঢ়িব বিপদ।
বুঃ গোঃ।—অনতিপলমে
স্থলপথে লৰুৱাম চেৱাৰী কটকী;
যাব আজি ৰাতিয়েই।
ৰজা।— অনতিপলম,
অনতিপলম, যোৱাঁ, যোৱাঁ এতিয়াই;
যোৱাঁ, শুভস্য শীঘ্ৰম্।
বুঃ গোঃ—আহোঁ স্বৰ্গদেৱ!
নহব চিন্তিত অত।
(প্ৰস্থান)
(বন্দীপালৰ প্ৰৱেশ)
বন্দীপাল। (আঁঠু লৈ) স্বৰ্গদেৱ!
অনা হল ৰাজদ্ৰোহী দল।
নিজানত বন্দী কৰি ৰাখিছোঁ সৱাক।
ৰজা।— কাৰো নাক, কাৰো কাণ,
কাৰো চকু, কাৰো ঘিলা কাঢ়িবি তুৰন্তে।
আজ্ঞা হল মোৰ।
